Lalaki, patay human mibangga ang motorsiklo sa 10-wheeler truck sa Kadingilan, Bukidnon

Patay ang usa ka 33-anyos nga lalaki giila nga si alyas Dan nga mibangga ang gimanehong motorsiklo sa usa ka nakaparadang 10-wheeler truck sa Sitio Tamaingon, Barangay Cabadiangan, Kadingilan, Bukidnon niadtong milabay’ng adlaw.

Sa inisyal nga imbestigasyon sa kapulisan, nagpadulong sa habagatan ang biktima sakay sa iyang motorsiklo sa dihang wala niya matikdi ang truck nga nakaparada sa daplin sa dalan, hinungdan nga mibangga siya niini.

Gidala ang biktima sa Bukidnon Provincial Hospital sa Kibawe apan gideklarar siyang dead on arrival sa doktor.

Gibutyag usab ni PMaj. Guy R. Pacamo – Officer In-Charge-Kadingilan Municipal Police Station nga gituohang anaa sa impluwensya sa makahubog nga ilimnon ang drayber sa motorsiklo.