Gisupak sa pipila ka residente sa Bukidnon ang posibleng pag-oktaba sa Barangay ug Sangguniang Kabataan Elections (BSKE), ug nanawagan nga ipadayon kini sa gitakdang petsa. Kini human gi-aprobahan ang ikatulo ug pinal nga pagbasa sa House of Representatives kagahapong adlawa.
Matud sa usa ka residente nga si Lakandupil Ramos residente sa barangay Sumpong ning Dakbayan sa Malaybalay, dugay na nga napostpone ang eleksyon ug kinahanglan nang hatagan og higayon ang katawhan sa pagpili sa ilang mga lider sa barangay ug kabatan-onan.
Hugot usab nga gipadayag niini nga dili lamang ang katungod sa pagboto ang maapektuhan sa postponement, kundili posible usab nga mausik ang dako nga kantidad sa kwarta sa mga taxpayers nga gigasto alang sa preparasyon sa eleksyon.
Sa pikas bahin, wala usab miuyon ang laing residente ug bontante ning dakbayan sa Malaybalay gumikan wala kini nakita nga kalamboan sa katilingban. Kini ang gipadayag ni alyas Don-Don kay matud niini wala nagpakita og tinuoray nga serbisyo ang pipila ka mgha opisyal o politiko ning lalawigan.
Apan sa pagkakaron, wala pay pinal nga desisyon ang Kongreso bahin sa posibleng postponement sa Barangay ug Sangguniang Kabataan Elections sumala ni Comelec-X Regional Director Renato Magbutay.
Matud ni Magbutay, isip implementer sa eleksyon, maghulat ang Comelec sa desisyon sa Kongreso kung ipadayon ba o lugwayan ang BSKE