- Advertisement -
Gipadayon sa Bureau of Internal Revenue o BIR ang deadline sa pagkuha sa Registration Seal Badge sa mga online seller ug digital merchant hangtod Oktubre 31.
Tumong niini nga mapamatud-an sa mga kustomer nga rehistrado ang maong negosyo.
Apan adunay mga online seller nga mireklamo tungod sa kalisod sa pag-access sa BIR website ug dili updated nga impormasyon sa ilang business records, nga usahay mopugos kanila sa personal nga pag-adto sa Revenue District Office o RDO.
- Advertisement -
Samtang, adunay mga negosyante nga misuporta sa maong sistema tungod kay makatabang kini sa mga kustomer sa pag-ila sa lehitimo ug rehistradong online seller.
Batay sa memorandum sa BIR, dili manubag og penalty ang mga seller basta makasunod sila sa deadline.
- Advertisement -