Gibutyag sa law professor ug kanhing gobernador sa Misamis Oriental nga si Atty. Oscar Moreno nga ang kasong giatubang ni Senador Rodante Marcoleta dili lamang may kalabotan sa election laws, kondili usab sa posibleng paglapas sa anti-corruption laws.
Matod ni Moreno, ang giingong ₱75 milyon nga campaign contribution giangkon mismo ni Marcoleta nga nadawat sa wala pa magsugod ang campaign period, hinungdan nga wala kini giisip sa Commission on Elections nga election offense.
Apan, tungod kay kongresista pa siya niadtong panahona, mahimo kining maimbestigahan sa Office of the Ombudsman ubos sa laing mga probisyon sa balaod.
Gipasabot usab ni Moreno nga ang pagpasaka og kaso dili nagpasabot nga awtomatikong sad-an ang senador, tungod kay ang Sandiganbayan pa ang motino kon adunay igo nga basihan aron ipadayon ang proseso.
Dugang pa niini nga obligasyon sa Ombudsman ang pag-imbestiga ug pagpasaka og kaso kon adunay ligal nga basihan.
Matod ni kanhi kongresista ug constitutional law expert Atty. Oscar Moreno, dako gihapon ang impluwensya sa Iglesia ni Cristo (INC) sa eleksyon sa Pilipinas.
Sumala kaniya, ang suporta o endorsement sa Iglesia dakong tabang sa tsansa sa usa ka kandidato nga modaog, maong halos tanang nagdagan sa eleksyon mangayo og basbas gikan sa organisasyon.