Gibutyag sa usa ka Pilipina nga nagpuyo sa Strasbourg, France nga grabeng kainit ang kasamtangang heatwave nga nag-ulbo sa Europe, nga mas lisod pa matud pa agwantahon kumpara sa kainit sa Pilipinas.
Matod ni Anne Bartho, Bombo International news Correspondent nga lahi ang init sa Europe tungod kay uga ang hangin maong init ang paminaw. Â
Tungod sa grabeng temperatura nga miabot og hangtod 43 degrees Celsius, adunay mga eskwelahan nga nagtugot sa mga ginikanan nga dili na paeskwelahon ang ilang mga anak ug adunay usab mga trabaho nga temporaryong gisuspenso aron malikayan ang peligro sa panglawas.
Dugang usab ni Bartho nga nagkulang na ang portable air conditioners ug electric fans sa mga tindahan tungod sa panic buying sa mga residente.
Subay nga adunay mga insidente nga nalambigit sa grabeng kainit, lakip ang usa ka drayber sa bus nga nakuyapan samtang nagmaneho.