Maggahin og P7 bilyon ang National Electrification Administration o NEA sa 2027 aron ipahulam sa mga electric cooperative ug magamit sa mga proyekto alang sa pagtangtang sa non-technical system loss.
Sumala kang NEA Administrator Antonio Mariano Almeda, ang pondo gamiton sa mga kinahanglanon sama sa metering ug pag-ilis sa daot o karaang metro aron mapakunhod ug sa ulahi mawagtang ang non-technical system losses.
Gibahin sa upat ka hugna ang programa, diin target ang 25 porsyentong pagkunhod sa unang hugna, 50 porsyento sa ikaduha, 75 porsyento sa ikatulo ug hingpit nga pagtangtang sa non-technical system loss sa ikaupat.
Ang NEA adunay gisugyot nga P10 bilyong budget alang sa 2027, diin P3 bilyon alang sa line enhancement ug P7 bilyon alang sa dugang pondo sa Loan Equity Fund.