Gipangayo sa mga abogado nga nagrepresentar sa mga biktima sa drug war sa International Criminal Court o ICC nga ideklarang fit for trial si kanhing Presidente Rodrigo Duterte.
Kini human sa ikatulong status conference sa kaso ni Duterte niadtong Setyembre 16 sa The Hague, diin personal siyang mitambong sa hearing sa unang higayon.
Ang ICC trial mismo gikatakdang magsugod sa Nobyembre 30, 2026.
Sa filing sa common legal representatives sa mga biktima, ilang giingon nga base sa medical experts’ findings, walay nakitang babag aron dili makasabut ug makaapil si Duterte sa proceedings.
Gisuportahan usab nila ang reasonable accommodations alang sa iyang pag-apil sa trial, basta dili kini makaapekto sa katungod sa ubang participants ug sa hapsay nga pagpadagan sa kaso.