Ombudsman, nagpasaka og kasong kriminal ug administratibo batok sa mga Villar 

Gikumpirma sa Office of the Ombudsman nga nagpasaka na kini og criminal ug administrative complaints batok kang kanhi DPWH Secretary ug PrimeWater beneficial owner Mark Villar, apil ang ubang tag-iya ug opisyal sa PrimeWater.

Giatubang sa mga respondent ang alegasyon sa paglapas sa Sections 3(e) ug 3(g) sa Anti-Graft and Corrupt Practices Act o RA 3019.

Matud sa Ombudsman, may kalabotan ang reklamo sa joint venture agreements sa PrimeWater ug tulo ka local water districts. Padayon na ang proseso sa preliminary investigation sa Ombudsman.