NBI, posibleng mopatawag kang Rep. Paolo “Pulong” Duterte sa imbestigasyon sa P1.9-B flood control projects

Gipadayag ni National Bureau of Investigation Director Atty. Melvin Matibag nga posible nilang ipatawag si Davao City 1st District Representative Paolo “Pulong” Duterte kung gikinahanglan sa nagpadayon nilang imbestigasyon sa mga flood control project sa maong distrito.

Matud ni Matibag, magdepende ang ilang sunod nga lakang sa mga ebidensya nga ilang makuha ug gisusi.

Sa pagkakaron, nagpadayon ang NBI sa table analysis sa mga documentary evidence nga gipresentar ngadto sa ilang opisina.

Gipunting sa NBI ang mga proyekto nga mokabat sa P1.9 bilyon nga gi-award sa Genesis 88 Construction Corporation Incorporated, nga maoy nakakuha sa mga flood control project sa maong distrito.