Nagtala og kasaysayan ang misyon sa NASA Artemis II human maabot sa Orion spacecraft, sakay ang upat ka astronaut, ang gilay-on nga kapin sa 400,171 kilometro gikan sa Kalibutan.
Pinaagi niini, nalabwan ang rekord sa Apollo 13 kaniadtong 1970, ug gilauman pa nga moabot ang spacecraft sa 406,690 km) sa dili pa kini hingpit nga mobalik sa Earth.
Ang makasaysayanong crew naglakip kanila ni Reid Wiseman, Victor Glover, Christina Koch, ug Jeremy Hansen, kinsa mao ang unang mga tawo nga nibiyahe lapas sa low Earth orbit sukad sa natapos ang panahon sa Apollo.
Tumong niining maong test flight ang pagsusi sa katakos sa Orion spacecraft samtang naglibot kini sa bulan aron masiguro ang kaluwasan sa mga astronaut sa umaabot nga mga misyon.
Kini nga kalampusan nagsilbing preparasyon alang sa Artemis III, diin plano sa NASA nga pabalikon na ang pagtugpa sa tawo sa ibabaw sa bulan, partikular na sa lunar south pole, pag-abot sa tuig 2028.