Mikabat na sa 18 ang gidaghanon sa mga namatay tungod sa paghasik sa kalamidad nga dala sa Bagyong Uwan, base sa pinakabag-ong datos nga gipresenta ni Office of Civil Defense (OCD) Deputy Administrator for Administration Asec. Bernardo Rafaelito Alejandro IV.
Gikan niining ihap, dose (12) ang natala sa Cordillera Administrative Region (CAR) samtang 28 ang natala nga nasamdan.
Una nang nakumpirmar nga unom ka mga tawo ang namatay human mihapak ang Bagyong Uwan sa Pilipinas.
Base sa datos sa National Disaster Risk Reduction and Management Council (NDRRMC) karong Martes, Nobyembre 11.
Samtang trise (13) ang kinatibuk-ang nasamdan diin kapin sa duha ka milyon ka indibidwal o katugbang sa 600,000 ka pamilya ang naapektuhan sa nagkadaiyang rehiyon sa nasud, diin labing daghan ang gikan sa Bicol nga mitungas sa kapin usa ka milyon ka tawo, gisundan sa Negros Island Region ug Eastern Visayas.
Anaa usa sa labing menus 200,000 ka pamilya ang nagpabilin pa sa mga evacuation center samtang ang uban nga kapin 78,000 ka pamilya nagapuyo na sa laing mga lugar.
Labaw sa 4,000 ka kabalayan ang naasoy, diin kapin 3,000 ang partiallly damaged ug kapin 700 ang hingpit nga nadaot. Sa pagkakaron, padayon gihapon ang pagkawala sa suplay sa kuryente sa 394 ka lugar nga naapektuhan sa bagyo.
Nakahatag na usab ang gobyerno og labaw P48 milyones nga ayuda alang sa mga biktima.
Niadtong Lunes sa buntag, migawas na sa Philippine Area of Responsibility ang bagyong Uwan apan gilauman nga mobalik kini ug molusad paingon sa Taiwan.