Gidugokan sa mga sikat nga Hollywood celebrities ug nagkadaiyang personalidad ang nahitabong Game 3 sa NBA Finals tali sa San Antonio Spurs ug New York Knicks didto sa Madison Square Garden. Gipangandaman ug gipangunahan ang maong pagtambong ni US President Donald Trump kinsa personal nga giimbitahan sa tag-iya sa Knicks nga si James Dolan.
Lakip sa mga personal nga nanan-aw sa maong kulba-hinam nga dula mao ang wrestler nga si Danhausen, tennis legend John McEnroe, ug ang mga kanhi magdudula sa Knicks nga silang Clyde Frazier, Jeremy Lin, ug Patrick Ewing. Mitambong usab ang mga sikat nga bituon sa industriya sama nilang NBA star Draymond Green, Alex Rodriguez, Tina Fey, Mariska Hargitay, Christopher Meloni, Chris Rock, Jon Stewart, ug Larry David.
Sa maong dula, gipildi sa Spurs ang Knicks sa iskor nga 115-111, apan nagpabilin gihapon nga nagkupot ang Knicks sa 2-1 nga bintaha sa ilang serye.