Gipangayoan og klarong justification ug konkretong resulta ang mga ahensya nga nangayo og pondo alang sa 2027 national budget, ilabi na sa mga adunay wala pa magamit o wala pa ma-disburse nga pondo.
Gipahayag kini atol sa deliberasyon sa Finance Subcommittee H alang sa proposed 2027 budgets sa Civil Service Commission, Department of Tourism, sa ilang attached agencies ug Career Executive Service Board.
Giingon sa komite nga kinahanglan ipakita sa matag ahensya kung unsaon paggamit sa dugang nga pondo, kinsay makabenepisyo ug unsang konkretong resulta ang ilang mahatag sa fiscal year 2027.
Gipahayag usab nga kinahanglan realistiko ang mga target ug dili ibase lamang sa mga plano nga lisod matuman.
Gibutyag usab sa komite ang kabalaka sa mga ahensyang padayong nangayo og dugang nga pondo bisan adunay mga wala pa magamit o wala pa ma-disburse nga allocation.
Lakip sa gisusi sa deliberasyon ang proposed budget sa DOT ug attached agencies, diin giingong mikunhod ang pipila ka allocations alang sa 2027.