Gipaspasan sa Department of Public Works and Highways ang mga flood mitigation ug rehabilitation works sa Davao City, General Santos ug Sarangani, human sa pagbaha ug kusog nga linog nga nakaapekto sa mga imprastraktura.
Personal nga giinspeksyon ni DPWH Secretary Vince Dizon ang Taal Bailey Bridge sa Barangay Talomo, Davao City, diin gigastohan og P100 milyon ang emergency dike rehabilitation ug pagbutang og gabion.
Lakip sa plano ang pagpataas sa dike og hangtod duha ka metros ug pagpataas usab sa Bailey Bridge. Samtang, giinspeksyon usab ni Dizon uban ni National Anti-Poverty Commission Secretary Manny Pacquiao ang mga pasilidad sa General Santos ug Sarangani nga naapektuhan sa magnitude 7.8 nga linog niadtong Hunyo 8, lakip ang College of Medicine and Infirmary sa Mindanao State University.
Padayon ang monitoring sa DPWH sa mga apektadong imprastraktura aron mapaspasan ang rehabilitation ug masiguro ang kaluwasan sa mga residente, estudyante ug pasyente.