Mayor sa siyudad sa Malaybalay, gipasalig nga bastante ang supply sa bugas

Gipasalig sa lokal nga panggamhanan sa dakbayan sa Malaybalay nga bastante ang suplay sa bugas ug agrikultura sa tibuok siyudad.

Gipadayag sa alkalde sa Malaybalay City Mayor Jay Warren Pabillaran nga nagpabilin nga nga nakatala og maayong produksyon sa agrikultura ang dapit sama sa Managok ug walay mga mag-uuma nga naapektuhan sa mga krisis karong panahona.

Dugang pa niini, padayon nga gipadayag sa lokal nga opisyal sa agrikultura ang ilang pagpaniid aron masiguro nga walay pagkulang sa batakang panginahanglanon sa mga lungsuranon. 

Gawas sa produksyon sa pagkaon, padayon usab ang pagpaningkamot sa dakbayan pinaagi sa pag-atiman sa mga farm-to-market roads aron masayon ang pagdala sa mga ani padulong sa merkado.

Gipangandaman usab sa City Engineering Office ang daling pag-atubang sa mga emerhensya sama sa pagdahili sa yuta aron dili mabalda ang agianan sa mga mag-uuma ug sa ilang mga baligya.