Gipadayag usab ni Malaybalay City Mayor Atty. Jay Warren Pabillaran ang kahinungdanon sa kahibalo ug transparency sa proseso sa paghimo ug pag-apruba sa budget sa gobyerno, aron mas masabtan sa katawhan kung asa gikan, giunsa pagplastar ug asa gigahin ang pondo sa publiko.
Matud ni Pabillaran, dili lamang ang executive branch ang adunay responsibilidad sa budget tungod kay human kini maandam sa Presidente, gobernador, mayor o barangay captain, ipa-review ug ipa-apruba kini sa legislative body isip kabahin sa checks and balances.
Samtang, giila ni Pabillaran nga usa sa dako nga kakulang mao ang kawalay kahibalo sa daghang Pilipino bahin sa proseso sa budgeting ug allocation, nga mahimong hinungdan nganong kasagaran ang reklamo motunga lamang kung adunay problema sa resulta sa paggasto.