Gipasabot sa PAG-ASA Bukidnon nga ang grabeng kainit nga nasinati karon sa Bukidnon ug sa ubang bahin sa Mindanao nalambigit sa moderate El Niño ug sa kahimtang sa weather system nga nagpatigbabaw sa rehiyon.
Sumala kang Raul Montilla, Weather Specialist- sa PAG ASA Bukidnon, tungod sa kakulang sa weather disturbances ug sa dili direktang pag-apekto sa Habagat sa kadaghanan nga bahin sa Mindanao, kasagarang partly cloudy hangtod generally clear ang kalangitan.
Gilauman usab nga magpadayon ang maong kahimtang sa panahon sa mga mosunod nga adlaw, diin mahimong makasinati lamang og mga isolated rain showers ug thunderstorms tungod sa localized thunderstorms, apan sa kinatibuk-an, magpabiling init ug kasagarang maayo ang panahon sa Bukidnon hangtod sa weekend.