Gipahibalo sa lima ka nasud sa European Union (EU) ang plano nga magtukod og mga sentro sa Rwanda alang sa mga migranteng deportahon sa ilang nasud sugod sa sunod tuig.
Base sa pahibalo sa gobyerno sa Netherlands ug Denmark, lakip sa mga nasud nga miapil sa maong plano ang Germany, Denmark, Austria, Greece ug Netherlands.
Gitumong ang maong sistema alang sa mga migranteng ilegal nga nagpabilin sa ilang mga nasud ug giaprobahan nang ipadeport, apan dili makabalik sa ilang nasud nga gigikanan.
Isip alternatibo, hatagan sila og higayon nga mopuyo ug makig-uban sa komunidad sa Rwanda o boluntaryong mobalik sa ilang nasud nga gigikanan.
Gipasabot sa lima ka nasud nga ang maong plano gibase sa mga probisyon sa balaod sa European Union ug internasyonal nga balaod.
Hinuon, gisupak kini sa mga grupo sa tawhanong katungod tungod sa kabalaka nga malapas ang mga katungod ug proteksiyon sa mga migrante.

