Pormal nga gihangyo sa senate minority bloc nga mokanaog na sa pwesto sa Senado si Senate President Alan Peter Cayetano gumikan sa giingong dereliction of duty o seryosong pagpasagad sa katungdanan.
Kini human tinuyong nag-absent ug wala motambong ang majority bloc sa sesyon sa ikaduha nga sunod-sunod nga adlaw nga walay gihatag nga igong rason. Tungod sa maong “no-show,” 11 lang ka senador gikan sa minoriya ang mitambong hinungdan nga dinalian silang nagpahigayon og press conference aron kundenahon ang maong lakang.
Gitawag ni Sen. Erwin Tulfo ang hitabo nga tinuyong pagbiya sa responsibilidad nga nagparalisa sa trabaho sa Senado. Bahis niini, gibutyag ni Sen. Francis Pangilinan nga nagplano na silang modangop sa Ethics Committee o sa Korte Suprema aron batokan ang maong giingong garapalang paglapas sa balaod.
Misilaob ang tensyon human gidakop sulod sa Senado si Sen. Jinggoy Estrada tungod sa kasong plunder may kalabutan sa flood control scandal. Sa iyang bahin, nanalipod si Cayetano pinaagi sa Facebook ug mibasol sa minoriya nga sila matud pa ang nagbabag sa imbestigasyon sa maong anomalya.