Hugot nga gipasabot ni Atty. Oscar S. Moreno usa ka legal expert nga na establishar na ang mga ebidensya nga gipresentar sa prosecution aron suportahan ang alegasyon sa misappropriation ug misuse sa confidential funds ni Vice President Sara Duterte ug sa Department of Education.
Matud ni Moreno, dili criminal case ang impeachment trial busa dili susama ang burden of proof nga beyond reasonable doubt.
Gibutyag ni Moreno nga pinaagi sa testimonya sa COA, Special Disbursing Officer o SDO, ug kanhi OVP official Michael Poa, na-establish na ang pipila ka importanteng detalye sa pagpagawas ug paggamit sa maong pondo.
Gidugang ni i Moreno nga lahi ang impeachment case sa criminal case, ilabina sa standard sa pagpalig on sa kasong misappropriation o misuse sa public funds.
Dugang pa ni Moreno, gi-encash ang tseke ug mikabat sa kapin P635 milyon ang kantidad sa kwarta nga nadawatan, nga human niini gi-turn over ngadto kang Col. Lachica ug Col. Nolasco.
Matud niini, dili accountable officers ang duha ka koronel ug ang pag-release sa kwarta ngadto kanila gibase sa instruksyon sa head of office, nga giingong gikumpirma usab ni Michael Poa ug sa mga SDO.
Bisan pa sa pahayag sa prosecution nga na-establish na ang ilang alegasyon, magpadayon gihapon ang impeachment proceedings aron mapresentar ang dugang ebidensya ug mga testigo.