Opisyal nga gideklara ni Pennsylvania Governor Josh Shapiro ang Hulyo 24 isip “LeBron James Day” sa tibuok estado, aron saulogon ang pagbalhin sa NBA superstar nga si LeBron James ngadto sa Philadelphia 76ers.
Kini matud pa human nipirma ang 41-anyos nga NBA all-time top scorer og duha ka tuig nga kontrata nga nagkantidad og $8 million kauban ang Sixers. Gideklara ni James nga kini na ang katapusang pagbalhin sa iyang karera, diin gipahayag niini nga dili kwarta ang hinungdan kon dili ang iyang pangandoy nga makatabang sa pagkuha og kampeonato alang sa maong koponan.
Dako usab ang kalipay ni Governor Shapiro—nga usa ka die-hard fan sa 76ers—diin iyang gipaambit sa social media ang opisyal nga proklamasyon aron mainitong dawaton ang pag-abot ni “King James” sa ilang estado human sa walo ka seasons niini kauban ang Los Angeles Lakers.