Pormal nang gipahibalo sa gobyerno sa Venezuela ang United Nations (UN) bahin sa ilang pinal ug dili na mabawi nga desisyon sa pagbiya sa International Criminal Court (ICC), tungod sa giingong geographical bias o pabor-pabor batok sa mga nasod sa Global South.
Sumala ni Foreign Minister Felix Plasencia, gihimo ang maong lakang agi’g pagdumili sa imbestigasyon sa ICC kalabot sa giingong crimes against humanity sa pipila ka opisyal ug militar sa ilang nasod sukad pa niadtong 2017.
Gipahayag usab ni Acting President Delcy Rodriguez nga nahimo nang politikanhong instrumento ang ICC aron atakehon ang ilang estado, hinungdan nga nawad-an na sila og pagtuo sa maong korte.
Nahitabo ang maong pormal nga pahibalo human gibawi sa National Assembly sa Venezuela niadtong Disyembre 2025 ang balaod nga nagratipika sa Rome Statute—ang kasabotan nga naghatag og gahum sa ilang pagka-miyembro sa ICC.