Lalaking adunay dalang shotgun misulay og sulod sa pinuy-anan ni Donald Trump, napusilan patay

Napusilan-patay ang usa ka lalaking armado sa Secret Service kaganinang sayu sa buntag human misulod sa secured perimeter sa panimalay ni US President Donald Trump sa Mar-a-Lago sa Florida.

Padayon pang gisuta karun ang identity sa maong lalaki nga anaa sa mga 20-anyos pa.

Ang maong lalaki nakitang dunay gibitbit nga daw shotgun og gasolina sa dihang misulay sa pagsulod sa  Palm Beach residence ni Trump.

Napatay kini sa deputy gikan sa Palm Beach County Sheriff’s Office mga pasado ala 1.30 sa buntag.

Nasayrang si US President Donald Trump mitambong sa Governor’s Ball sa Washington DC anang sabado sa gabii.