VALENCIA CITY – Landing sa balay tambalanan ang usa ka 33-anyos nga lalaki human kini gipukpok og gahi nga butang sa ulo sa usa ka wala mailhing suspek sa Purok 17A, Sayre Highway, Brgy. Poblacion, niadtong Pebrero 16, 2026, alas 1:00 sa hapon.
Ang biktima, kinsa nakaangkon og samad sa tuo nga bahin sa iyang ulo Sumala sa imbestigasyon sa Valencia City Police Station nagsugod ang insidente human naglalis ang biktima og suspetsado pinaagi sa pahimangno sa biktima nga magtarong og parking ang suspetsado sa iyang sakyanan gumikan nakalapas kini sa traffic rules.
Tungod sa maong tambag, nasuko ang suspek ug kalit nga gihapak ang biktima gamit ang usa ka gahi nga butang.
Kasamtangan, ang mga personahe sa kapulisan nagpahigayon na og follow-up operation aron mailhan ug madakpan ang maong suspek nga daling misibat human sa hitabo.