Laing hugna sa dakong usbaw sa presyo sa lana, masinati karong semanaha

Masinati pag-usab karon adlawa ang laing dakong usbaw sa presyo sa mga produktong petrolyo nga ipatuman sa mga kompanya sa lana sugod karong Martes, Setyembre 15, nga maghatag og dugang kabug-at sa gasto sa mga motorista ug konsumante.

Mousbaw og P4.31 matag litro ang presyo sa diesel, samtang P5.68 matag litro ang idugang sa gasolina. Lakip usab sa misaka ang kerosene ngadto sa P4.62 matag litro.

Kini na usab ang usa sa pinakadakong oil price hike sa bag-ohay nga mga semana, diin gilauman nga direktang makaapekto sa pamasahe, presyo sa mga palaliton ug gasto sa transportasyon.

Ang bag-ong presyo epektibo sugod karong adlawa, Setyembre 15.