Gikuwestiyon ni Senador Panfilo Lacson ang padayong pag-angkon ni Senador Alan Peter Cayetano sa posisyon isip Senate President bisan pa sa giingong pagbag-o sa liderato ug pag-uswag sa reorganisasyon sa Senado.
Sumala ni Lacson nga dili na matud pa ilhon sa nagkadaiyang institusyon ang pag-angkon ni Cayetano sa liderato, lakip ang pipila ka sektor sa ehekutibo, lehislatura ug legal community, maong nangutana siya, “Unsa naman gyud siya?”
Gihisgutan usab sa senador nga dili angay ang padayong paggamit og social media livestream sama sa Facebook Live isip paagi sa paghisgot sa mga isyu sa Senado, kay dili kini subay sa tradisyonal nga proseso sa deliberasyon sa plenaryo.
Matod ni Lacson, ang maong estilo sa komunikasyon nagpakita matud pa og kahuyang sa pag-atubang sa legal ug factual nga basehan sa mga argumento.
Samtang, gipanghimakak usab niya ang mga pamahayag ni Cayetano nga adunay konsabo tali sa pipila ka senador ug sa Malacañang kalabot sa imbestigasyon sa flood control controversy.
Sigon niini nga ang mga rekomendasyon sa Blue Ribbon Committee giagi sa hustong pagsusi sa mga ahensya sama sa Ombudsman ug Sandiganbayan.
Subay niini, gilauman nga ipadayon sa bag-ong liderato sa Blue Ribbon Committee ubos ni Senador Erwin Tulfo ang pagdungog sa flood control scandal karong Hunyo 8.