Gilusad sa Ukraine ang ilang labing layong pag-atake gamit ang long-range drones sulod sa teritoryo sa Russia human gitarget ang duha ka gas facility sa Arctic nga kapin sa 3,000 kilometros ang distansya gikan sa ilang utlanan.
Gigamit sa Ukrainian Armed Forces ang mga FP-1 drone aron gub-on ang mga gas processing plant sa Novy Urengoy ug Purovsky sa rehiyon sa Yamalo-Nenets—ang nag-unang gigikanan sa dul-an 80 porsiyento sa natural gas production sa Russia. Gitawag ni Ukrainian Presidente Volodymyr Zelenskyy nga makatarunganon ang maong operasyon aron mapahuyang ang kapabilidad sa militar ug ekonomiya sa ilang kontra.
Ang maong pag-atake naghatag og dakong hulga sa ekonomiya sa Russia, samtang nagdala usab kini og kabalaka sa European Union tungod sa posibleng pagsaka sa presyo ug kakuwang sa supply sa enerhiya karong nagkaduol na ang tingtugnaw.