Kaso batok sa mga senador walay kalabotan sa majority o minority bloc -PBBM

Gipasiugda ni Pangulong Ferdinand Marcos Jr. nga walay kalabotan ang pagka-majority o minority bloc sa Senado sa mga kaso nga giatubang sa pipila ka mga senador.

Tubag kini sa pamahayag ni Senadora Imee Marcos nga posibleng gitarget ang “majority 13” human malambigit ang pipila ka miyembro niini sa mga reklamo kalabot sa giingong iregularidad sa flood control projects.

Sumala kang Marcos, ang mga kaso resulta sa imbestigasyon sa Senate Blue Ribbon Committee ingon man sa pagrepaso sa Office of the Ombudsman ug Department of Justice sa mga alegasyon.

Gipadayag usab ni Pangulong Ferdinand Marcos Jr. nga dili niya masabtan kung giunsa pagtrabaho og tarong sa Senado kon nalambigit kini sa ingon nga mga isyu.