Giakusahan ni Senate President Alan Peter Cayetano nga gihadlok ang pipila ka mga miyembro sa Senate majority sa administrasyong Marcos aron mapugos silang mubalhin ngadto sa minority ug makahimo og bag-ong liderato sa Senado.
Sa iyang live stream post niadtong Biyernes, Mayo 29, sigon ni Cayetano nga andam nilang ipagawas ang ebidensya sa giingong pagpanghadlok aron mapugngan ang pagtukod sa usa ka “independent Senate.”
Matud ni Cayetano, wala silay problema kung mapamatud-an sa korte kung sad-an ba o dili ang mga senador, apan ang ilang gipunting mao ang giingong pagpanghadlok nga kung mubalhin sa laing grupo, dili kasuhan, apan kung dili mubalhin, dayon kasuhan.
Gipadayag usab niya nga adunay alegasyon nga gipugos ang pipila ka magbabalaod nga mubiya sa ilang grupo baylo sa dili pagpasaka og kaso, samtang ang dili motuman posibleng atubangon og kaso. ”
Dugang pa ni Cayetano, dili matud pa tinuod nga gubot ang Senado ug sukad 2022, kini ang unang higayon nga adunay Senate president ug majority nga walay impluwensya gikan sa Malacañang sa pagpili sa liderato ug mga komite.