Gisaulog sa Davao City ang ika-89 nga Araw ng Davao pinaagi sa Parada Davaoeno 2026 kagahapong adlawa Marso 28, dungan usab gipahiagyun ang ika-81 nga adlaw’ng natawhan sa kanhi Presidente Rodrigo Roa Duterte.
Misalmot ang kapin sa 200,000 ka tawo sa parada, samtang kapin sa 100,000 ka partisipante ang miapil sa “Solidarity Walk” isip pagpasidungog sa kanhi presidente.
Mitambong ang dagkong lider sa lungsod ug opisyal sa mga kalihokan, lakip na si Mayor Sebastian “Baste” Duterte, Bise Presidente Sara Duterte, Bise Mayor Rigo Duterte, ug Congressman Omar Duterte, uban sa mga bantugan nga abogado.
Gipasabot ni Bise Presidente Sara Duterte sa iyang mensahe ang kamahinungdanon sa pagpanalipod sa nasudnong soberanya ug pagpabilin sa independensya sa hustisya sa Pilipinas.