Naghari ug nagbilin og kasaysayan si Cesar P. Manliguez sa nagpadayong Palarong Pambansa 2026 human kini mitala og bag-ong rekord nga 15.14 metros aron hingpit nga masakmit ang bulawang medalya sa Triple Jump Secondary Boys Category alang sa Northern Mindanao Region 10.
Laing garbo usab ang dinalian nga gihatod sa rehiyon pinaagi sa pagdaog ni Charles James A. Villapaña sa laing gold medal sa 110-meter hurdles. Sa pakighinabi sa Bombo Radyo Malaybalay, giingon ni Villapaña nga dako niyang inspirasyon ang iyang pamilya, mga coach, ug mga teammate nga misalig sa iyang abilidad atol sa kompetisyon.Gibutyag usab sa atleta nga sukad pa Grade 5 siya nagsugod sa athletics diha sa grabe nga sakripisyo, kakapoy, ug mga injury sa ensayo aron makab-ot ang iyang damgo. Matod niya, human sa iyang ikatulong pagsabak sa nasudnong kompetisyon, hingpit na gyod niining nakab-ot ang iyang tumong nga makahatag og bulawanong dungog sa Northern Mindanao.