Gipasiugda ang unang hugna sa profiling ug pag-apod-apod sa food packs alang sa mga kanhing rebelde isip kabahin sa Enhanced Comprehensive Local Integration Program (E-CLIP).
Ang maong lakang kabahin sa pagkab-ot sa kalinaw ug reintegrasyon ubos sa pagdumala sa 89th Infantry (Makatao) Battalion sa Philippine Army.
Ang maong kalihokan gipahigayon sa 89IB Headquarters sa Purok 10, Barangay South Poblacion, lungsod sa Maramag, lalawigan sa Bukidnon.
Gibana-banaang 28 ka mga kanhing rebelde ang miagi sa mandatory profiling ug nakadawat sa food assistance isip kabahin sa inisyal nga suporta sa gitanyag sa E-CLIP.
Ang maong kalihokan usa ka paningkamot nga nagpakita sa lig-on nga dedikasyon sa Philippine Army sa pagpasiugda og kalinaw ug pagtabang sa mga kanhing rebelde nga makabalik sa sabakan sa gobyerno ug mahimong gawasnon.
Gikatakda nga adunay mosunod pa nga mga hugna sa profiling ug ayuda sa umaabot nga mga adlaw.