Gikuwestiyon ni Senador Loren Legarda ang Department of Agriculture (DA) tungod sa giingong kawalay klaro ug dinaliang plano sa ahensya sa pag-atubang sa krisis nga dala sa nagsaka nga presyo sa lana.
Sa pagdungog sa Senado, gipadayag ni Legarda nga dili madawat ang pagkalangan sa ahensya samtang nag-antos ang mga mag-uuma ug mangingisda.
Sumala sa datos, dul-an katunga sa mga gagmayng mangingisda sa Luzon ang napugos sa paghunong sa ilang panagat tungod sa kamahal sa krudo, samtang ang mga mag-uuma naglisod na usab sa pagdala sa ilang mga produkto ngadto sa mga merkado.
ugang pa niini, kinahanglang ipakita sa ahensya ang tinuoray nga aksyon nga bation sa katawhan, ilabi na nga ang DA adunay dako nga pundo nga kinahanglang gamiton sa husto ug dinalian
Gipahinumdoman ni Legarda ang ahensya nga kung ang pribadong sektor makahimo sa paglihok bisan walay pundo gikan sa gobyerno, mas labaw pa unta nga makalihok ang DA nga adunay igong suporta sa panalapi.
Nanawagan ang senador nga putlon na ang taas nga proseso sa burukrasya aron daling maabot ang tabang ngadto sa mga nanginahanglan.