- Advertisement -
Gisaulog ni Emmanuel “Jimuel” Pacquiao Jr. ug sa iyang kapikas nga si Carolina Pimentel ang usa ka bag-ong yugto sa ilang kinabuhi human sila opisyal nga nagpakasal pinaagi sa usa ka intimate garden ceremony didto sa Pechanga Resort Casino sa California, USA karong Sabado, Hunyo 13.
Si Jimuel, kinsa kamagulangang anak sa boxing legend nga si Manny Pacquiao ug Jinkee Pacquiao, nindot kaayong nagpatong sa iyang all-white suit nga duna’y baby pink nga necktie, samtang naggilak-gilak usab si Carolina sa iyang classic white bridal gown.
Nidugang og kadasig ug ka-cute sa maong selebrasyon ang ilang pito ka bulan nga anak nga babaye nga si Clara, kinsa nagsulob og puti nga lace dress ug duna’y pink floral headpiece.
- Advertisement -