- Advertisement -
Gipasidan-an sa Iran ang Estados Unidos nga mas dugay ug mas lapad ang posibleng bag-ong panagbangi tali sa duha ka nasud kon ipadayon sa Washington ang mga hulga sa pag-atake, diin dili ang US President Donald Trump ang magbuot sa dagan ug katapusan niini.
Gihimo sa mga opisyal sa militar sa Iran ang maong pasidaan isip tubag sa pahayag ni Trump nga aduna pa silay usa o duha ka target sa Iran nga kinahanglan atubangon. Bisan pa niini, gipahayag sa Tehran nga bukas gihapon sila sa diplomasya, apan andam usab sa pagdepensa sa nasud.
Sa laing bahin, gipasidaan sa Iran nga mahimong molapad ang kagubot bisan asa nga lugar kon magpadayon ang mga pag-atake, ug wala kini magtakda og limitasyon sa geograpiya sa posibleng panagbangi.
- Advertisement -