Gipaniguro sa Institute for Climate and Sustainable Cities nga adunay igo nga suplay sa kuryente sa Pilipinas alang sa mga bulan sa “summer season” kon ting-init, apan gihulagway kini isip “manageable but fragile” kon huyang tungod sa gamay nga reserbang kapasidad.
Gikaingong bisan man og kaya sa Luzon, Visayas, ug Mindanao ang panginahanglan, sensitibo gihapon ang grid sa posibleng aberya sama sa plant outages, delay sa proyekto, ug kalit nga kusog nga pagsaka sa konsumo tungod sa kainit.
Posible nga mahitabo ang yellow alerts hilabi na sa Visayas nga nagpasabot nga kulang na ang reserve power kung musamot o mukalit ang demand, samtang ang kalig-on sa suplay magdepende sa hapsay nga operasyon sa mga planta ug tukmang pagdumala sa demand aron malikayan ang brownout o power interruptions.