Natala sa India ang taas nga lebel sa polusyon sa hangin, diin miabot kini sa Particulate Matter 2.5 (PM2.5) kon sa usa ka matang sa gagmayng partikulo nga mahimong motuhop sa baga ug makadaot sa panglawas sa tawo.
Tungod niini, giklasipikar na nga very poor ang kalidad sa hangin sa maong lugar, nga nakaapekto sa minilyong residente.
Isip tubag, gipatuman sa mga otoridad ang Stage II sa Graded Response Action Plan o GRAP, nga naglakip sa mas hugot nga pagpanglimpyo sa mga karsada ug paglimitar sa paggamit sa mga sakyanan aron makunhuran ang polusyon.
Nahimo kining dakong kabalaka pipila lamang ka adlaw sa wala pa ang pagsaulog sa Diwali, usa sa dagkong pista sa India, diin gilauman nga mosamot pa ang polusyon tungod sa paggamit sa mga pabuto atol sa selebrasyon.