Iro nga si Java, nasakmit ang world record sa pagbutang og kimpit sa halayan

Nakasakmit og Guinness World Records ang lima ka tuig nga Labrador nga si Java sa Missouri, Estados Unidos human makabutang og walo ka kimpit sa halayan sulod lamang sa usa ka minuto.

Gipanag-iyahan kini sa dog trainer nga si Lisa Rickards, nga maoy nagbansay kang Java human mapakyas ang iro nga mahimong service dog.

Matud ni Rickards, abtik ug dali makakat-on si Java, ilabi na pinaagi sa pagtan-aw ug pagsundog sa lihok sa mga tawo ug ubang iro.

Kini nga abilidad maoy nakatabang kaniya sa pagkat-on sa talagsaong abilidad nga nagdala kaniya sa world record.