Gipahibalo ni Paraguayan President Santiago Peña niadtong Huwebes, ang iyang pagbiya sa puwesto subay sa krisis nga giatubang sa Ueno Bank nga nakapugong sa minilyong kliyente sa pag-access sa ilang pondo ug salapi.
Nagsugod usab ang impeachment proceedings batok sa pangulo human mosang-at og mga reklamo ang 35 ka magbabalaod gikan sa oposisyon ug pipila ka miyembro sa iyang kaugalingong partido.
Lakip sa mga alegasyon batok kaniya ang grabeng pagpasagad sa iyang katungdanan.
Anaa na sa Kongreso ang desisyon kon dawaton ba o isalikway ang pagbiya ni Peña, nga nagsilbing pangulo sukad Agosto 2023 alang sa lima ka tuig nga termino.
Gilauman nga mopuli kaniya si Vice President Pedro Alliana isip bag-ong pangulo sa nasud. Matud pa, mibisita si Peña sa Pilipinas niadtong Mayo 11 hangtod 12, 2026, diin gihisgotan nila sa mga opisyal sa nasud ang pagpalapad sa kooperasyon sa pamatigayon, pamuhunan, agrikultura ug seguridad sa pagkaon.