Mikabat na sa 1,430 ka tawo ang opisyal nga ihap sa mga nakalas human sa serye sa duha ka kusog nga linog nga adunay magnitude 7.2 ug 7.5 nga miigo sa nasod sa Venezuela.
Tulo ka adlaw human sa gikonsiderar nga pinakagrabeng linog sa nasod sulod sa kapin usa ka siglo, paspas nga nagkakaubos ang oras ug paglaum sa mga rescue teams sa pagpangita og mga buhi, ilabi na nga gibana-bana nga kapin sa 50,000 ka mga residente pa ang giingong nahanaw o natanggong ubos sa mga nangatunpag nga bilding.
Sumala sa United Nations (UN), moabot ngadto sa 6.76 milyones ka tawo ang apektado ug nanginahanglan karon og dinalian nga emergency shelter, limpyong tubig, ug tabang medikal.
Bisan pa man niini, nakahatag og milagro ug gamay nga paglaum ang malampuson nga pagluwas sa usa ka 11-anyos nga lalaki ug usa ka bag-ong himugso nga bata gikan sa kagun-oban.
Sa kasamtangan, moabot na sa 24 ka mga nasod ang nagpadala og dinalian nga hinabang ug mga rescue personnel alang sa maong katalagman.