3 ang patay ug 11 samaran human sa nahitabong pagpapamusil sa usa ka Grade 9 student sulod sa Banga National High School sa Barangay Benitez, Banga, South Cotabato, pasado alas-1 sa hapon kagahapong adlawa.
Sumala sa impormasyon sa inisyal nga imbestigasyon, nahitabo ang pagpamusil sa lugar sa Grade 9, diin pipila ka estudyante ang naigo.
Ang giingong gunman usab namatay human mipusil sa iyang kaugalingon.
Gidala ang mga biktima sa South Cotabato Provincial Hospital ug sa ubang mga ospital alang sa pag-atiman.
Gisuspende ang klase sa mga eskwelahan sa Banga ug Surala samtang nagpadayon ang imbestigasyon sa insidente.
Gipangayo usab sa mga otoridad ang publiko nga dili magpakaylap og wala pa mapamatud-ang impormasyon ug mga hulagway o video sa insidente.