Gibutyag sa International Criminal Court nga hapit na mokabat sa 20,000 ang mga item sa ebidensya sa kaso batok kang kanhi Pangulong Rodrigo Duterte, hinungdan nga giingon sa depensa nga lisod na silang maandam sa gikatakdang pagsugod sa trial sa Nobyembre.
Atol sa status conference, gipahayag ni Presiding Judge Joanna Korner nga dako na kaayo ang prosecution evidence list nga mokabat sa 15,000 ka non-witness items, dugang pa ang liboan ka witness-related documents.
Gipangutana usab ni Korner kung pila gyud sa maong mga exhibit ang tinuod nga gamiton sa prosecution sa ilang kaso.
Samtang, giingon sa abogado ni Duterte nga mikabat na sa 15,529 ang non-witness items ug 3,712 ang witness items, o hapit 20,000 tanan.
Matud pa ni Haynes, dako ang kalainan niini kumpara sa gidaghanon sa ebidensya atol sa confirmation stage, samtang 80 porsyento sa incriminating items giingon niyang nahatag lamang sa depensa sulod sa kataposang tulo ka semana sa disclosure period.
Gihatagan sa Trial Chamber og pito ka adlaw ang depensa aron mosumite og motion may kalabotan sa disclosure sa ebidensya. Gikatakda usab ang pagsugod sa trial sa kaso sa Nobyembre.