Gikumpirma sa International Criminal Court (ICC) Pre-Trial Chamber I ang tanang kaso nga gisang-at batok kang kanhi Pangulong Rodrigo Roa Duterte may kalabotan sa giingong crimes against humanity of murder ubos sa iyang kampanya kontra droga.
Sumala sa ICC, igo ang ebidensiya nga gipresentar sa Office of the Prosecutor aron ipadayon ang paglitis.
Lakip sa gikumpirma nga mga kaso ang 3 counts of crimes against humanity nga may kalabotan sa 78 ka biktima sa extrajudicial killings sa Pilipinas
Human sa desisyon, pormal nang giduso ang paglitis kang Duterte sa The Hague, Netherlands.
Nahiuyon kini sa naunang desisyon sa Appeals Chamber nga nagpabilin ang hurisdiksyon sa ICC sa mga krimen nga nahitabo sa wala pa ang pag-atras sa Pilipinas sa Rome Statute niadtong 2019.
Sumala sa mga analyst, ang maong desisyon usa ka makasaysayanong lakang sa internasyonal nga hustisya, gumikan kini ang unang higayon nga usa ka kanhi lider sa nasud gikan sa Southeast Asia moatubang og ingon ka taas nga lebel sa paglitis.