Mi-alarma ang kampo ni Vice President Sara Duterte sa mga pamahayag nga wala mitukma sa Statement of Assets, Liabilities and Net Worth (SALN) ug sa aktuwal nga mga bank transaction sa Bise Presidente.
Matud ni Defense Lawyer Atty. Michael Poa, sayo pa aron makab-ot ang ingon nga conclusion ilabi na nga wala pa masayri kung asa ug unsaon pagkuha ang mga dokumento nga gigamit sa mga alegasyon.
Dugang pa sa abogado nga gilauman na nila ang mga ingon nga interpretasyon, apan ilang gipabilin ang pagsunod sa husto nga proseso sa balaod.
Tungod niini, nag-coordinate na sila sa Korte Suprema aron masiguro nga malikayan ang posibleng abuso sa proseso ug maprotektahan usab ang interes sa ilang mga kliyente.
Gipasabot usab ni Poa nga mao kini ang rason nga wala mitambong si VP Sara Duterte sa mga hearing sa House Committee on Justice, ug gipasalig niini nga tubagon nila ang tanang isyu sa husto nga forum.Â
Wala usab gi-uyonan ni Atty. Poa ang mga pamahayag nga vindicated na sa pag-akusar si kanhi Senador Antonio Trillanes IV.
Matud sa abogado, dili pa panahon sa paghisgot og vindication gumikan ang gipresentar niadtong Miyerkules Abril 22, gipaagi lang sa presentasyon sa datos ug wala pa nagpasabot nga tinuod o aktuwal nga nag-exist ang tanan nga numero nga gipakita.
Minghatag pa kini pananglitan diin nga ang kwartang gideposit ug sa wala magdugay na-withdraw, apan gikwenta usab sa uban isip managlahi nga kwarta aron lang kwestyonon. Â