ICC Appeals Court magpagawas og desisyon sa Abril 22 bahin sa hurisdiksyon sa kaso ni kanhi Presidente Duterte

Gikatakdang magpagawas ang Appeals Chamber sa International Criminal Court (ICC) sa ilang desisyon sa jurisdiction ni kanhi Pangulong Rodrigo Duterte karong umaabot Abril 22.

Sumala sa Appeals Chamber nga ilang ipagawas ang desisyon sa Abril 22, ala-5 sa hapon oras sa Pilipinas.

Una na nga ming-apela ang legal team sa kanhi Presidente nga kuwestyonon ang desisyon sa Pre-Trial Chamber I nga tugotan ang ICC prosecutor nga ipadayon ang hearing sa kasong crime against humanity sa kanhi Presidente.

Gipasiugda sa kampo sa kanhi Presidente nga walay otoridad ang ICC aron mag-imbestiga sa krimen nga nahitabo sa Pilipinas tungod nag-withdraw na ang nasud sa Rome Statue niadto pang 2019.