Nag-atubang karon sa dakong legal nga krisis si Senator Ronald “Bato” Dela Rosa human gipadayag ni International Criminal Court (ICC) Accredited Counsel Atty. Rameses “Ram” Victorius Villagonzalo nga wala na’y bisan unsang babag ug mamahimo nang dakpon sa mga otoridad ang senador.
Kini human gibasura Temporary Restraining Order (TRO) niini ug gikatahong aduna nay koordinasyon tali sa ICC ug sa Gobyerno sa Pilipinas.
Kahinumduman nga Gipahayag sa Department of Justice (DOJ) nga hingpit nang ipaaresto sa mga otoridad ang mambabalaod nga si Senador Ronald “Bato” Dela Rosa.
Sa usa ka opisyal nga pahayag kagahapong adlawa, gitahasan na sa DOJ ang Philippine National Police (PNP) ug National Bureau of Investigation (NBI) sa pagpatuman sa arrest warrant gikan sa International Criminal Court (ICI), diin giisip na karon nga usa ka pugante ang senador.
Gipakahugtan ni Justice Secretary Fredderick Vida nga angay gayod nga madala si Dela Rosa ngadto sa The Netherlands aron atubangon sa international tribunal ang alegasyon sa kasong crimes against humanity labot sa kontrobersyal nga war on drugs sa miaging administrasyon.