Anadam matud pa nga moatubang sa Senado ang Department of Energy (DOE) kalabot sa sunod-sunod nga rotational brownout nga nasinati sa nagkadaiyang dapit sa nasud niining milabay nga mga adlaw.
Sumala ni DOE Secretary Sharon Garin, andam ang ilang ahensya nga tubagon ang mga pangutana sa mga senador ug ipasabot ang mga lakang nga gihimo sa kagamhanan aron masulbad ang problema sa suplay sa kuryente.
Nanawagan ang Department Of Energy sa mga konsumidor sa kuryente nga himuong batasan ang pagdaginot sa enerhiya isip kabahin sa ilang adlaw-adlaw nga panginabuhi.
Matud ni Secretary Sharon Garin, ubos sa programang Oras Natin sa Efficiency o O.N.E. Campaign, gihangyo sa departamento ang publiko nga palungon ang mga suga ug tangtangon sa saksakanan ang mga wala gigamit nga appliances ug electrical devices matag adlawng Sabado gikan sa alas-8 hangtod alas-9 sa gabii.
Sa gihimo nga pagpangutana sa Bombo Radyo Philippines ngadto kang Garin, nagtuo kini nga makatabang ang maong programa sa pag-atubang sa kasamtangang krisis sa kalibutan, ilabi na sa isyu sa enerhiya.