Hightech nga underwear, makaihap sa gidaghanon sa pag-utot sa nagsul-ob 

Usa ka grupo sa mga researchers ang nakahimo og smart underwear nga awtomatikong makaihap kung kapila mangutot ang nagsul-ob niini.

Adunay gamay nga himan nga adunay mga sensor nga makamatikod sa hydrogen, usa sa mga gas nga mogawas panahon sa pag-utot.

Sa unang pagsulay, gisul-ob kini sa mga boluntaryo sulod sa mga 12 ka oras kada adlaw sulod sa usa ka semana, ug nakita nga mokabat sa 32 ka higayon ang kasagarang pag-utot sulod sa 12 ka oras.

Tumong sa teknolohiya nga makatabang sa pagtuon sa epekto sa pagkaon ug gut bacteria sa produksiyon sa gas sa tiyan.