Dili lang matud pa Iring ug Iro ang kabalo mohimo og mga tricks.
Usa ka 13-anyos nga babaye sa San Francisco, USA, ang nakapahimo og world record human niini ma-train ang iyang pet nga guinea pig nga molukso og hilabihan kataas.
Giila sa Guinness World Records si Zoe Hearn ug ang iyang binuhing guinea pig nga si Cora human kini nakalukso og 10.5 inches o (26.67 cm) ang gitas-on.
Nalabwan niini ang miaging record nga 24 cm nga natala sa Spain niadtong 2023.
Sumala kang Zoe, nagsugod ang training human siya hagiton sa iyang amigo kung kaya ba molukso ang iyang guinea pig.
Gigamit niini ang lettuce ug blueberries isip premyo samtang hinay-hinay niyang gitahasan ang homemade wooden bar hangtod nakab-ot ni Cora ang perfect jump.
Gawas sa pagka-athletic, ganahan usab si Cora sa musika, ilabi na kung nagpraktis og violin ang iyang amo.