Grupo sa mga Arab countries, gikondena ang pag-atake sa Israel sa Qatar

Nagpahigayon ang Konseho sa Arab States og miting aron sa pagkondena sa pag-atake sa Israel sa Qatar.

Sa gipahigayong summit, ilang gikondena ang pag-atake sa Israel sa Qatar isip pag-guba sa kalinaw sa rehiyon.

Nagpadayag ang grupo og suporta alang sa Qatar sa bisan unsang mga lakang nga plano niini nga buhaton isip tubag sa mga aksyon sa Israel.

Gisuportahan usab sa grupo ang mga lakang nga gihimo sa Qatar, Egypt ug US aron mapahunong ang agresyon sa Israel sa Gaza.

Kahinumdoman nga si Israeli Prime Minister Benjamin Netanyahu nga miluwat nga ang pag-atake una nang gipahibalo ngadto kang US President Donald Trump.